Margaret Thatcher

D Margaret Hilda Thatcher, Baroness Thatcher of Kesteven LG, OM, PC (* 13. Oktober 1925 z Grantham, Lincolnshire as Margaret Hilda Roberts, † 8. April 2013 z London) isch e britischi Politikere gsi. Vo 1975 bis 1990 isch si die Vorsitzendi vo dr Konservative Partei gsi und vom Mai 1979 bis Novämber 1990 Brömieeministere vom Veräinigte Köönigriich. Si isch die ersti Frau in däm Boste gsi, und het en lenger gha as alli iiri Vorgänger sit em Aafang vom 19. Joorhundert.